დავალება კლასის ლიდერებისათვის

კვლავ გიორგი წერეთლის ”ენის სალესები ” ! 30.01-3.02 დავალება ლიდერებისათვის:

ჩაგუნა და ჩქაფუნა

ჩაგუნია
ჩაგუნას
ჩქაფუნია
ჩქაფუნამ
ჩქაფაჩქუფით
აუვსო
ჩაფუნია
ჩაფუნა.
ბაღჩა-ბაღჩა
ჩაგუნამ
წყალი
წააჩქაფუნა...
ბაღჩის თავში
ჩარგული
მარწყვი მორწყა
ჩქაფუნით.

გოჭმა ჭამა ჭარხალი

ჭრელაჭრულა ჭიჭყინა
გოჭმა ჭამა ჭარხალი,
მისჭყივიან ბიჭები,
მაჭახელას ჭახანით.

ტირია და წუნია

სულ წუწუნებს,
წუწუნებს...
დედას სადილს უწუნებს,

მამას წაღებს უწუნებს,
ბებოს წინდებს უწუნებს...
მისი დაწუნებული -
გამოუხრავთ წრურუნებს.

სადაც არის წუნია,
მოთქმა და წუწუნია...
ტირია და წუნია
ცრემლით გაწუწულია.

ხოდაბუნი

მეხრემ ხარის მიხრა-მოხრით,
ხოდაბუნი მიხნა-მოხნა,
ჰოდა, მერე ხოდაბუნი
მიხამ თოხით დიდხანს თოხნა.

ენის სალესები

ლიდერებისთვის განკუთვნილი კონკურსისათვის გთავაზობთ გიორგი წერეთლის ”ენის სალესებს”. (20.01.-27.01.)

კვერცხი ტირის

კვერცხი,
კვერცხი,
კვერცხუნა...
ცეცხლი,
ცეცხლი
ეცხუნა,
ნაკვერცხლებზე იწვის,
ცრემლი სცვივა სიმწრის.

გამოცხვება, რასაც ელი

ნამცხვარია
დასაცხობი,
დაიცალა
ცხრა საწყობი,
ფქვილი არის
გასაცრელი,
დაფაცურდა
ცხრა საცერი...
ცერი,
ცერი,
ცერი,
ცერი...
გამოცხვება,
რასაც ელი.

კნუტების ფეხბურთი

თეთრ ბურთს დასდევს ფართი
ფურთით
ორი კატის ათი კნუტი.
იქით ხუთი,
აქეთ ხუთი
გაიტაცეს თათით ბურთი.
სადღაც გაქრა
მათი ბურთი,
თურმე იყო ბატიბუტი.
შეეკითხეთ კატუნებს,
ხომ არ შეაკნატუნეს?