ენის სალესები

   ჩემო გონიერო!
   გიორგი წერეთლის  ენის სალესები გადაიწერე ”სიტყვის სკივრში”  და ყოველდღე ერთ-ერთი დაისწავლე. ნასწავლ  ჩქარსათქმელსა”, მეორე კლასიდან, საკლასო ოთახში, ცოდნის  სკივრში” მოვათავსებთ და ბარათებით შევამოწმებთ  თუ როგორ დაისწავლე. უნდა შეძლო მისი სწრაფად და სწორად წარმოთქმა ზედიზედ ორჯერ.J
    სიყვარულით,მარეხი მასწავლებელი.

1. ჭინჭარში ჭიჭინობელა ჭიანურივით ჭიჭინებს.
2. ხე – ვასური, ვარვალახე, მარიამახე, კვაწარახე.
3. თამთა თეთრ თუთას თქაფთქაფით ჭამდა.
4. ყვავო, ყვავო, ყვანჩალა, აქ რამ მოგაჩანჩალა?
5. გოგლი-მოგლი გოგო ლალამ შეაჭამა დედოფალას.

ჩქარსათქმელები

ჩვენი შვილების ცხოვრება მრვალფეროვანი რომ გახდეს, მშობლები,მასწავლებლები,აღმზრდელები ვცდილობთ პატარების სწავლისა და შემეცნების პროცესი უფრო საინტერესოდ და სახალისოდ ვაქციოთ. როცა ბავშვს ვასწავლით ლექსებს, გამოცანებს,ენისგასატეხებს თუ გათვლებს – ამით ხომ მის ლექსიკას ვამდიდრებთ და თანაც ჩვენი კუდრაჭები ხალისით ითვისებს ქართული ენის გრამატიკულ თუ ხმოვან წყობას?!
შემოგთავაზებთ იმ ენისგასატეხებს (ჩქარსათქმელებს),როლებსაც ქართული ენის გაკვეთილზე შევისწავლით.  

” აწინწილა,ბაწინწილა,

პაწია და ხმაწინწილა.”

***

არჩევანი,არადანი,

ალამს არხევს ალამდარი,

ამ მიწის და ამ ცის დარი

არის სადმე?

- არსად არის!

***

დიდი დათვი დრუნჩიანი,

დუდღუნა და დანდალაო,

დილით ადრე წამომდგარა,

თაფლის ჭამით დამთვრალაო,

დამთვრალა და,და,და,და,და!

რა დიდგულა გამხდარაო!

***

ენაჭიკჭიკა ელენე

ექვს სტუმარს ერთად ელისო,

ეკუნას, ელდარს, ექვთიმეს,

ევას, ემზარს და ელისოს.

კედლის ჭერს სწვდება სურნელი

სველ-სველი ენძელებისო.

***

მელამ მოგაგნო ,მამალო,
მურას მოუხმე მალეო!

მანამ მშველელი მოგივა,

მაყვლნარში მიიმალეო.

***

სამი ბატი გამოუდგა

სოფო გოგოს სისინითა.

სოფო გოგო, სად მირბიხარ

მაგ პატარა ტიკინითა?

***

ზარი ზანზარებს უზარმაზარი,

ზარმაც ზაზუნას დასცა თაზარი.

***

შავი შაშვი შეეჯიბრა

შვიდ შოშიას შაშიანში,

შვილობაში,ქალობაში,

დედობაში,გალობაში.